ورطة ولبستها

من طرف **شموع الوفاء** الجمعة مارس 27, 2009 2:46 am

الســــــــلام عليــكم...

فكرة جديدة ونقلتها لكم من أحد المنتديات

أعجبتني جد

المطلوب : اني اروط أحد الأعضاء بالإجابة على الأسئلة بمعنى/يكون بطنه تحت المجهر ونستكشف

واللي يجاوب يختار اللي بعده للتوريط.......... أرجو انكم فهمتو ا الفكرة...!

نبدأ بالأسئله :

كم وجبه تآكل بـ اليوم ؟ شو وجبتك المفضله [آللي مآ تقدر تستغني عنهآ ]

أنت من النـآس آللي بيعصبو إذا جآعوا

أول مآ تدخل السوبر مآركت أي قسـم تشوف بطنك يوديك له بدون شعور !

هل صحيح مقولة [ الطريق إلىآ قلب الرجل معدته ] !

مآ رأيك في قول [ إذآ بدك الحرمه ترضى عليك ودهآ لـ المطعم ] !

إذآ دخلت البيت و أنت جوعآن مره ومآ لقيت الأكل جآهز شو ردة فعلك ؟

شو الأفضل عندك أكل البيت أو أكل المطعم ؟!

تحب تآكل لـ حآلك أو تآكل مع جمآعه مع ذكر السبب

إذآ كنت من النآس آللي بيحبو المئلوبة الئدرة الكبسه أي نوع من الرز تحب ؟!

لو كنت معزوم / تحب تكون العزيمة عادي ولآ بوفيه ؟

أنت من النآس آللي تحب تآكل بين الوجبآت ؟! إذآ كآنت إجآبتك نعم شو تحب تآكل

[ شوكلآتآت وَ لآ شيبسآت وَ لآ فوآكه وَ ركزوآ على الفوآكه بالله ] !

إذآ كآنت شهيتك مسدوده عن الأكل مين تختآر من الأعضآء يآكل معك عشآن تنفتح شهيتك

شو الطبخه آللي تضبطهآ و ناوي تعزمنآ عليهآ..؟؟
رح بلش فيك بحر الغضب انت خير مبتدا

ياريت شوف المشاركات
بدي تفاعل يا اعضاااااااااء

من طرف **بحر الغرااااام** السبت مارس 28, 2009 4:40 am

شموع شوفو وهاد للكل
اول شي
باكل وجبتين غالبا وجبتي المفضله باميه
2 ومابعصب اذا جعت عادي جدا
3 اول مابدخل السوبر ماركت اذا جوعان على قسم المعجنات وباخد كروسان غالبا جبنه
4 الطريق الى قلب الرجل مو معدتو ممكن يكون الحنان اكتر من اي شي
وكل واحد شو بحب
5 كمان مانو المطعم وسيله لحتى يكسب قلب زوجتو بس المشوار حلو ورياحتها حلوة وشوية رومنس
6 ياستي اذا دخلت على البيت والاكل ماجاهز بساعد شوي وين المشكله
7 طبعا اكل البيت اطيب
8 والاكل مع جماعه الو لزة خاصه غير الواحد لم يكون عم ياكل لحالو الجماعه بتخلي الواحد عم ياكل ومبسوط بس رجاءا من دون ما يطلعو صوت بالاكل
9 بالنسبه للرز المئلوبه طيبه بس كمان رز مع شعيريه ويكون بسمنه طيبه واو
10 وبالنسبه للعزيمه اذا بالمطعم عادي اي شي
11 لاء ماباكل بين الوجبات بس بعد الاكل بشي ساعه او اكتر لحتى اكل فواكه بحب اشرب قهوة بعد الاكل
12 مين بختار من الاعضاء اذا كانت شهيتي مسدوده ليفتح شهيتي اكيد اريجي
13 يلي بيعجبكون طباخ نمرة اوله باميه ملوخيه بانواعها فاصوليا بيضه خضرا شيخ المحشي منزله مئلوبه حتى محاشي تكرمو انتو شرفو وماعليكون وشوربات كمان بس بالله بدي من اريجي شوية مساعده بالحلو

من طرف **شموع الوفاء** السبت مارس 28, 2009 7:32 am

شكرا الك بحر الغضب وشكرا لاستجابتك السريعة

طيبة البامية من شو بتشكي بس انا ما بحبها

ما بتعصب عند الجوع من حسن حظ الشريك

والكروسان رهيب وبما انك بتحبو لازم تعلمو للشريك لحتى توقرو بالمستقبل

الطريق الى قلب الرجل معدته حتى بهادي ريحت شريكتك يعني مافي داعي للتعب وعمل مية صنف

ياعييييييني ناقص بس موسيقى وشوية شموع بس ابعدو عن شمعاتي

التعاون حلووووو وخصوصا لو الست بالبيت متاخرة شوي بتكون بدها حبة مساعدة

واكل البيت اطيب اكيد

ياااااااااااا الصوت بالاكل فظيييييع

رز بشعيرية مع صحن فاصوليا غييييير شكل

العزيمة لو بالمطعم يا بحر من شوي كان اكل البيت اطيب لما صارت عزيمة صار مو مشكلة

ههههههههههههه بمزح

منيح بعد الاكل ما في داعي للضغط على المعدة خير ما عملت

اريييييييييج ارييييييج تعالي

يا سلام نياالك اريج بس خلى الحلويات ئلك والباقي عليه يعني الله رحمك من البصل

طبعا ياعمي الحلو بيعمل الحلو

شكرا ئلك بحر الغضب وشكرا للخيارات المفتوحة

اللي الله بحبو بياكل عندكم ورايحين نوقع عقد شراكة بمطعم

الشغل عليك والربح بالنص

تحياتي الك

والف شكر للمشاركة خفيفة الظل

من طرف **شموع الوفاء** السبت مارس 28, 2009 7:38 am

بما انو بحر الغضب ما ختار عضو بعدو رايحة اختار بدالو

وياريت هالمرة تكون بنت ورايحة تكون عاشقة فلسطين

بكل ود واحترام فلتضعي نفسك في ورطتي يا عاشقة

من طرف **اريج الزهور** السبت مارس 28, 2009 9:51 am

موضوع كتير حلو

والاحلى انو بلشو فيك بحر هههههه ايمتى دوري

ماشي رح اعمل اطيب انواع الحلو

تحياتي الكن

من طرف **اريج الزهور** الإثنين مارس 30, 2009 3:05 pm

انا عشوقة رح آخد دورك سمحيلي
كم وجبه تآكل بـ اليوم ؟ شو وجبتك المفضله
يعني انا اغلب الاحيان ما باكل غير وجبتين ومرات بضل على وحدة وغالبا ما بتكون الغدا هي الاساسية عندي
أنت من النـآس آللي بيعصبو إذا جآعوا
لا ابدا عمري ما عصبت لو جعت مستحيل
أول مآ تدخل السوبر مآركت أي قسـم تشوف بطنك يوديك له بدون شعور !
ممم لما افوت سوبر ماركت بروح للتشوكليت واكيد بحب شوف الكروسان وخصوصا الجبنة
هل صحيح مقولة [ الطريق إلىآ قلب الرجل معدته ] !
اكيد لاء الطريق الى قلبو المحبة والحنية قولاً وفعلاً والاهتمام الصادق غير المفتعل
مآ رأيك في قول [ إذآ بدك الحرمه ترضى عليك ودهآ لـ المطعم ] !
مممم اكيد رضيانة بكل الاحوااال بس ما في مانع من شوية تغيير جو مو ضروري المطعم لانو لئمة مع الشريك بتسوى الدنيا وما فيها وخصوصا لو بعالم من صنع الطرفين اكيد رح يكون احلى من مليون مطعم
إذآ دخلت البيت و أنت جوعآن مره ومآ لقيت الأكل جآهز شو ردة فعلك ؟
اكيد رح روح للمطبخ واعملو وبسرعة كمان
شو الأفضل عندك أكل البيت أو أكل المطعم ؟!
اكيد البيت افضل بكتير حاجة انو انا اللي عملتو على زوئي
وتحب تآكل لـ حآلك أو تآكل مع جمآعه مع ذكر السبب
اكيد مع الجماعة بس مو اي حدا يعني اللي انا برتاحلون كتير او المتعودة عليون غير هيك ما بعرف اكل شي
اي ومابحب اكل مع زغار اطلاقا وما بحب اكل مع حدا بيطئطئ بالملاعئ او الشوك لانو بحب اكل بهدوووووووء
وبحب اكل وانا ساكتة وبحب اللي ئدامي هيك
إذآ كنت من النآس آللي بيحبو المئلوبة الئدرة الكبسه أي نوع من الرز تحب ؟!
بحب المئلوبة كتير وفنانة فيها الكبسة طيبة بس لانو مو من مجتمعنا ما بفضلا بحسا غريبة عني
لو كنت معزوم / تحب تكون العزيمة عادي ولآ بوفيه ؟
عادي ما بتفرئ المهم كون مرتاحة مع الموجودين
أنت من النآس آللي تحب تآكل بين الوجبآت ؟! إذآ كآنت إجآبتك نعم شو تحب تآكل
[ شوكلآتآت وَ لآ شيبسآت وَ لآ فوآكه وَ ركزوآ على الفوآكه بالله ] !
يعني بما انو ما باكل غير وجبتين ومرات مرة بس ضروري يكون في هيك شي ممكن فاكهة اوبسكويت هيك شي
الشيبس هاد اكيد من ضروريات الحياة اليومية
إذآ كآنت شهيتك مسدوده عن الأكل مين تختآر من الأعضآء يآكل معك عشآن تنفتح شهيتك
اكييييييييييييييد بحر الغضب
شو الطبخه آللي تضبطهآ و ناوي تعزمنآ عليهآ..؟؟
والله كتير بس اكتر شي بحبون هن اكلات اللبن يعني شيشبرك كبة لبنية هيك شي
ولما رح اعمل مارح كون لحالي اكيد بحر مارح يتركني وحدي صح ؟؟ اي اكيد صح

شمووووع اسئلة حلوة كتير وبتجنن تسلمي سامحينا عشوقة اخدنا دورك هلاء انتي يا حلوة
تحياتي الك يا شموعتي

من طرف ???? الثلاثاء مارس 31, 2009 5:34 am

هههههههههههههههههههههههه
هههههههههههههههههه
ههههههههههههههههه

والله تورطت شو هالمصيبه يا ساتر

اوكي رح اجاوب

بس ليه اخدتي دوري اريج ممممممممم بسيطه بعدين بنتحاسب

كم وجبه تآكل بـ اليوم ؟ شو وجبتك المفضله [آللي مآ تقدر تستغني عنهآ ]

مممممممم باكل الاغلبيه وجبتين والوجبه المفضله الفطور

أنت من النـآس آللي بيعصبو إذا جآعوا

لا ما بعصب عادي بكون الوضع

أول مآ تدخل السوبر مآركت أي قسـم تشوف بطنك يوديك له بدون شعور !

مممممممم بشوف قسم الشبس بعدين العصير بعدين الشوكولاته

هل صحيح مقولة [ الطريق إلىآ قلب الرجل معدته ] !
اكييييييييييييييييييييييييد دون ادنى شك محنا مجربين

مآ رأيك في قول [ إذآ بدك الحرمه ترضى عليك ودهآ لـ المطعم ] !
ممممممممممم بجوز وبجوز عشان تتريح من الطبيخ ترى الله ايعينها النسوان ما برتاحو من حقها تروح على مطاعم

إذآ دخلت البيت و أنت جوعآن مره ومآ لقيت الأكل جآهز شو ردة فعلك ؟

مممممم اذا كنت جوعانه وما في شي باكل اي شي بشوفو من دون ما افكر شو هو ان شاء الله باكل خبز لحاله طبعا ايكون اكل مو اشي تاني ههههههههههه

شو الأفضل عندك أكل البيت أو أكل المطعم ؟!
مممممم اكل البيت بس بحب اكل الشورما بالمطعم

تحب تآكل لـ حآلك أو تآكل مع جمآعه مع ذكر السبب

اكيد مع مجموعه لانه الاكل بكون اله نكه غير

إذآ كنت من النآس آللي بيحبو المئلوبة الئدرة الكبسه أي نوع من الرز تحب ؟!

بحب الرز المريكي وبحب طبخة الملوخيه

لو كنت معزوم / تحب تكون العزيمة عادي ولآ بوفيه ؟
ما في فرء المهم ايكون زاكي والعاله موجوده

أنت من النآس آللي تحب تآكل بين الوجبآت ؟! إذآ كآنت إجآبتك نعم شو تحب تآكل
مممممم ما بحب اكل بين الوجبات لاني لو اكلت ببطل اكل الوجبه يعني بتنسد نفسي

إذآ كآنت شهيتك مسدوده عن الأكل مين تختآر من الأعضآء يآكل معك عشآن تنفتح شهيتك
ممممممم بحب ايكون معي من الاعضاء ان تدخلني ربي الجنه لاني بموت بالارض اللي بتمشي عليها هاي بنت خالتي الامورة حابه تعرفيها يا شموعتي ساكنه عندكم بفلسطين

شو الطبخه آللي تضبطهآ و ناوي تعزمنآ عليهآ..؟؟

مممممممم بدي اطبخلكم ملوخيه واعزمكم عليها يلا الكل لازم ايجهز حاله ويحجز طياره على الاردن وبسرعه القصوىىىىىىىى ههههههههه
شموووووووو عتي موضوعك رووووووعه متلك
والله اني كتير انبسطت وانا بجاوب

ملاحظه :رح ابعتلك رساله خاصه اقرئيها اوكي وردي علي

تقبلي تحياتي

من طرف ???? الثلاثاء مارس 31, 2009 10:07 am

مممممممممممم بدي اختار ميم مين مين يا ترى

اهاااااااااااااااا اكيد رح اختار ان تدخلني ربي الجنه

يلا يا بنت خالتي فرجينا شطارتك

بستنى

من طرف **شموع الوفاء** الثلاثاء مارس 31, 2009 8:35 pm

تسلمي يا شمس نور العيون على اجاباتك الحلوة والاكتر من رائعة

ومافي اطيب من الملوخية وياسلام لو كانت بالفراخ بتكون غييير شكل

واخيرا لاقيت حدا يحب الرز الامريكي لانو عنجد طيب مو لانو سهل الطبخ

نياااالها بنت خالتك وياريت نتعرف عليها طالما عنا

اجمل التحيات تقبليها مني

وشكرا الك على الاستجابة السريعة

من طرف ???? الأربعاء أبريل 01, 2009 4:04 am

العفوووووووووووووو يا زوووووووء

انا بالخدمات السريعه وخاصه للي متلك يا عسل

اه والله الملوخيه كتير طيبه وبحبها وكمان الرز الامريكي

وهاي بنت خالتي كانت بدها تكتب انا حكيتلها تكتب بس ان شاء الله اليوم بخليها تكتب

واحلى عزيمة ملوخيه بالفراخ لعيونك الحلوة

كم وجبه تآكل بـ اليوم ؟ شو وجبتك المفضله

كم وجبه تآكل بـ اليوم ؟ شو وجبتك المفضله [آللي مآ تقدر تستغني عنهآ ]

انا كل ساعة بوخد وجبة بس شو وجبة اكيد دسمة من قتل وتعذيب لابناء وشباب وطني وحبيبي فلسطين عن جد انا بوخد كل ساعة وجبة اخبارية

أنت من النـآس آللي بيعصبو إذا جآعوا

في بعض الاحيان حسب اذ كانت النشرة تأخرت شوي ممكن وخاصة اذا كان في احداث جديدة

أول مآ تدخل السوبر مآركت أي قسـم تشوف بطنك يوديك له بدون شعور !

القسم الذي يتواجد به التلفاز اكيد لان النشرة الاخبارية رح تروح علي وانا مو في البيت

هل صحيح مقولة [ الطريق إلىآ قلب الرجل معدته ] !
ممكن اذا كانت وجبة من وجباتي رح تكون الطريق الى الرجل الفلسطيني
مآ رأيك في قول [ إذآ بدك الحرمه ترضى عليك ودهآ لـ المطعم ] !
اكيد برضى عنه في اي مكان بس اكون في فلسطين المهم اتناول الوجبة في فلسطين

إذآ دخلت البيت و أنت جوعآن مره ومآ لقيت الأكل جآهز شو ردة فعلك ؟

مو ضروري اما اذا كان في اخبار وبتخص فلسطين ومو جاي الوجبة عفوا النشرة بعصب

شو الأفضل عندك أكل البيت أو أكل المطعم ؟!
المهم يكون تلفاز وين ما كان ويكون في فلسطين

تحب تآكل لـ حآلك أو تآكل مع جمآعه مع ذكر السبب

اكيد بحب مع جماعة لان الجماعة بتكون متأثرة معك في النشرة عفوا الوجبة الاخبارية

إذآ كنت من النآس آللي بيحبو المئلوبة الئدرة الكبسه أي نوع من الرز تحب ؟!

انا مو متل بنت خالتي الي بتحب الرز الامريكي لان لازم نقاطع كل شئ امريكي او اسرائيلي مع انه دائما الازكى عنا هو الاكل الاسرائيلي ما تضحكوبس بالنسبة للمقلوبة هي اكلة فلسطينية وبحبها بس صرت اكرها من يوم ما صار الحكام العرب مقلوبين

لو كنت معزوم / تحب تكون العزيمة عادي ولآ بوفيه ؟
ما بتفرق المهم مين في معك

أنت من النآس آللي تحب تآكل بين الوجبآت ؟! إذآ كآنت إجآبتك نعم شو تحب

انا ممكن لما بكون حدث اخباري مهم بين النشرات الساعية لابد
إذآ كآنت شهيتك مسدوده عن الأكل مين تختآر من الأعضآء يآكل معك عشآن تنفتح شهيتك
بنت خالتي عاشقة فلسطين وشموع الوفاء وكل محب لفلسطين
خشو الطبخه آللي تضبطهآ و ناوي تعزمنآ عليهآ..؟؟
على وجبة كتير زاكية بالنسبة لليهود مجزرة غزة وينكم عنها

من طرف ???? الأربعاء أبريل 01, 2009 7:13 am

هههههههههههههههههههههههههههههههههههههههه

هههههههههههههههههههههههههههههههههه

رفعتي راسي يا اصيله

والله كلامك صح بوركت وبورك كلامك

انتقلنا من من البطن الى فلسطين هههههههه

مممممممممممم انا رح احكي مين بعد ان تدخلني ربي الجنه

مين مين مين؟؟؟؟؟؟؟؟؟ اهااااااااااااا اكيد شمووووووووووووعتي

يلا شموع فرجينا شطارتك

ابنستنى

من طرف **شموع الوفاء** السبت أبريل 04, 2009 7:41 am

شكررررررررررررا يا عزيزتي

نحن دوما لا ننسى انتمائنا لفلسطين الغالية

فهي في قوبنا وحبها ملئ الشرايين

نحن شعب الاسطورة ونستمد صمودنا من تعلقنا بالحياة

نتعلق بالحياة لاجل ان نصل ليوم نسترجع ما سلب

لا شك اننا جزء من الحياة واننا جزء من ماساة شعب

لا ننساك يا فلسطين الغالية مهما اخذتنا الدروب البعيدة فنحن على الدرب حتى نصل

الى يوم يكيد العدا ويفرح قوم مؤمنين

عزيزتي انا وبكل فخر انتمي لفلسطين واحب ان اقدم ماساتنا للعالم من خلال بعيض مقالات من حين لحين

ولكن موضوعنا هنا ترفيهي لادخال البسمة التي كادت ان تتلاشى من وجوهنا

اذا اراد شعبا ان يصل الى مبتغاه لا بد ان يحب الحياة

والحياة ليست مجرد دموع تبكي مافتنا وما راح منا

وانما هي خليط من كل شيئ

تحياااااااتي لكي ومعها احتراماتي

ودمتي بسمة للوطن

من طرف **شموع الوفاء** السبت أبريل 04, 2009 8:33 am

من حفر بئر لشر اخيه وقع فيه

وهيك ساويتي معي عشوقة

ماشي الحال رايحة اجاوب ويارب اعرف اجاوب

كم وجبه تآكل بـ اليوم ؟ شو وجبتك المفضله [آللي مآ تقدر تستغني عنهآ ]

الوجبة اللي ما بستغني عنها الافطار

باليوم بتكونلي وجبتين اهمها الافطار والغدا بكون متاخر شويتين لحتى ما اتعشى

أنت من النـآس آللي بيعصبو إذا جآعوا
لا ما بعصب بس بحب يكون كل شي مزبوط بدون تاخير

أول مآ تدخل السوبر مآركت أي قسـم تشوف بطنك يوديك له بدون شعور !

اكيد بروح لقسم المجمدات بحب اشوف شو في اشياء

لحتى اعملها فيما بعد

بعدين بروح لقسم الشوكليت
هل صحيح مقولة [ الطريق ل قلب الرجل معدته ] !
صحيحة بنسبة قليلة بمعنى مو اي رجل بتعرفي تفوتي الو من هاد الباب

الطريق الى قلب الرجل اوسع لكن من خلال تفكيرك الواعي ومن خلال

اقناعو بانك جديرة بقلبو من خلال مهاراتك بكل المجالات

لانو ساعتها رايح يشوفك وما يسدق
مآ رأيك في قول [ إذآ بدك الحرمه ترضى عليك ودهآ لـ المطعم ] !
ممكن لو كانت المراة تهتم بسفاسف الامور
ان حواء ترضى عن ادم في حالة اهتمامه واحترامه لها

على نطاق واااااسع

إذآ دخلت البيت و أنت جوعآن مره ومآ لقيت الأكل جآهز شو ردة فعلك ؟
اكيد مضطرة اروح اعملو بنفسي
شو الأفضل عندك أكل البيت أو أكل المطعم ؟!
طبيعي انو البيت لانو الاكل بجو الاسرة الو طعم تاني
تحب تآكل لـ حآلك أو تآكل مع جمآعه مع ذكر السبب
انا بحب اكل مع الجماعة لكن مايكونو كتار وما يكونو من النوع اللي بيحكو على الاكل
إذآ كنت من النآس آللي بيحبو المئلوبة الئدرة الكبسه أي نوع من الرز تحب ؟!
بحب البسمتي
وياريت لو على مقلوبة فراخ يميم
لو كنت معزوم / تحب تكون العزيمة عادي ولآ بوفيه ؟
مو مشكلة اي اشي بيمشي المهم يكون في الفة باللمة
أنت من النآس آللي تحب تآكل بين الوجبآت ؟! إذآ كآنت إجآبتك نعم شو تحب تآكل
[ شوكلآتآت وَ لآ شيبسآت وَ لآ فوآكه وَ ركزوآ على الفاكهة
انا بحب الفاكهة يعني لو جعت بين الوجبات بتكون هي الحل
وبحب الشيبسي عند الدراسة وبعتبرها احدى طقوسي بغرض التر كيز
وعند التلفزيون بكون المكسرات

إذآ كآنت شهيتك مسدوده عن الأكل مين تختآر من الأعضآء يآكل معك عشآن تنفتح شهيتك
ممممم طبعا كل اللي بيحبوني

واولهم حبيبتي اللي شتقتلها موووووووووت القمر المطل
واريييييييج
وعشوقتي الغالية

وبنت خالتها لانو نفسي اتعرف عليها

يارب ان تكون اجاباتي خفيفة وماحدا يندم انو قراها

كل الود

ورطة ولبستها

ورطة ولبستها

رد: ورطة ولبستها

رد: ورطة ولبستها

رد: ورطة ولبستها

رد: ورطة ولبستها

رد: ورطة ولبستها

رد: ورطة ولبستها

رد: ورطة ولبستها

رد: ورطة ولبستها

رد: ورطة ولبستها

رد: ورطة ولبستها

رد: ورطة ولبستها

رد: ورطة ولبستها

رد: ورطة ولبستها

رد: ورطة ولبستها