الرئيسية
البوابة
أحدث الصور
التسجيل
دخولاسبح يا سمك ببحر المجاملات
2 مشترك
منتديات نور العيون :: ~*¤ô§ô¤*~ المنتـديــات العــامة ~*¤ô§ô¤*~ :: منتدى القضايا الساخنة والنقاشات والحوار
صفحة 1 من اصل 1
اسبح يا سمك ببحر المجاملات
من طرف شموع الوفاء الإثنين مارس 02, 2009 10:40 pm
السلام عليكم ورحمة الله وبركاته ..!!
كيفكم يا اعضاء وعضوات نور العيون
بعرف انكم عم تستنو الموضوع بفارغ الصبر
ومشـان نفـوت بمــوضوعـنا وتفهموه معي
التمو حواليي يولاد
وتمعنو كتير منيح بما هو ات
وبالمرة خليني اخرفكم أكم من خريفية
<<وقعتكم سودا .. فبنصحكم تجيبو معكم البوب كورن والشبس وعصير والمؤن الكافية لاسبوع قدام
هــلأ اول شي
الي بقصـدو أنــا بمـوضـوعـي انو كيـف مرات
بنضحك ع شغـلة حـدا حكيـها
مش لانو بيضـحكنــا اسم النبي حارسو ولا لانو دمـاتو خفاف
]لكن لانو بـمسـتوى أعلـى مـنـا وبدنـا رضـاه 
والشـغلـة مش بـس ع قصـة الضـحك للي بيحكـوه
لا كمــان انو بانكم تعملو اللي بدهم ياه وتحكو اي اي اي اي والله كلامك صحيح يكبير
والله انك الريس
مع انكم ممكن تكونو مش مقتنعين بحكيو
او يلي بيحكيه بيكون اكيد غلـط ..
..قــدامي ع الامتلة لشـوف..
خ
د عندك متلا رقم 1كــان عنا دكتـور بالجـامعة .. رسمــي دمـو تقيـل وما بينهضـم معي ولا بينبلع الله يعمي
بـس هوي مفكر انو دماتو خفاف وجاب الديب من ديلو
لهيك لما كان بيحكي نكتـة وللا شـغلة تلاقينا كلنا ضحكنا
واحنا من جواتنا نفســنا نـحكيلو متقل دمك يشيخ
بس [size=25]الدرجـات عــاد واللي بتسويه فينا 
انا بعـطي ابتسـامة وبس <<لانوما بقدر اكتر من هيك إإإبصراااااحة
كمان متل تـانيالمــدير بالشـغل يكون ما الوعلاقة بخفة الدم نهائي
متل ازا شفتو فيلم كابتـن هيـما
كان مديـر المـدرسـة عليـه تقـل دم مش طبيعي وبيفـرط ضحك ع حالو
بيحكي النكتة وبيضحك عليها ابن الهبلة
فبيسـيرو كل حاشيتو يجـاملوه ويعملو حالهم محششين من الضحك
وانو يخرب بيتك شو دماتك خفاف يباشا
وهنـي نفسهم يسلخوه دين كف يجيبو اجلو ليخلصو من تقل هالدم
بس انهو المدير
[/size]
كمان متل .. عن اننا نمشـي كلامهم
لبون رفيقتي حكتلي شغلة لما كانت بالاردن
البنـت فلسطينية وامها أردنيــة
راحت مـرة عند رئيس القسـم بدها ياه يوقعلـها ع شـغلة
الدكتـور بيحـب انو يفــتح قصص
هوي لبـناني ومعروف بيحب الفلسـطينية كتيـر
حكالها انتي فلسطينيـة 
؟!حكتلو لا انا اردنية
حكالها مهو نص الاردنيين فلسطينيـن
حكتلو لا دكتور انا اردنية اردنية اصــل .. ماما وبابا اردنين وزكرتلو اسم منطقتهم كمان
تطلع بالاخر بالورقة حكالها روحي عند ابصر مين خليهم يوقعولك ياها
مع انو كان ممكن يخلصلها الموضوع بلحظتها
تــاني مرة راحت عندو
فشكلو كان ناسيها
ســألها انتي فلسطينية
هيي نطت حكتلو دكتور انا فلسطينية ومن القطاع كمـان
فكيـّف الـزلمــة وقالها
وحيا الله اهل فلسطين والقطاع الحبيب والحكي الكبير هادا
وحكالها هاتي الورقة وسلخـها التوقيع مع ابتسامة عريضة والدعوات بالنجاح والنصـر كمان
شو بدنا نعمل بدنا نرضـي [size=25]الدكـــتور
كمان الشغلة ممكن تصيـر مع الاهل الاكبر منا يعــني
انو الوالدة العم الخال الاخ الكبير الاخت كمان بيجي من وراها لما تكون كبيرةانو بدنا رضـــــــاهم يخليلنا ياهم
المهــم هلا انتـو شـو رايكم بهيـك شغلة؟وهل بتستخدمو هيك أسـاليـب وللا ماشيـن بدون هيك شغلات
بتعتبروها نفــاق .. وللا متطلب من متطـلبات الصـعود وانو شغلة طبيعيـة .. وانها مجاملة
طب ازا مجاملة اشمعنى مش بتجاملو اللي اقل منكم
وازا صارت معكم مواقف او بتعرفو مواقف متل هيك هاتولنشوف
وانا برمـت كتــير
منـــورين كلكم ..
انتشـروا وعبروا قد ما فيكم
واسـبـح يـا سـمـكـ
[/size]
شموع الوفاء- Admin
- عدد الرسائل : 773
تاريخ التسجيل : 21/01/2009
رد: اسبح يا سمك ببحر المجاملات
من طرف اريج الزهور الأربعاء مارس 04, 2009 10:51 pm
المجاملات
شي لا بد منو بعصرنا
نحن لا نكذب ولكن نتجمل
شي ضروري الدبلوماسية مطلوبة بس بشرط ما نحيد عن مبادئنا
مافي بايدينا نغير مجتمع
لانو
شرب المجاملات مع المي
المهم انو يكون في اصول ومبادئ وقواعد
لو المجاملة رح تكون على حساب اي شي ضد مبادئنا
بلاها احسن
تسلمي شموع
موضوع مهم
اريج الزهور- عضو فضي
-
عدد الرسائل : 173
العمر : 33
الموقع : سوريا
العمل/الترفيه : طالبة**انترنت
المزاج : هادئة
تاريخ التسجيل : 24/01/2009 -
منتديات نور العيون :: ~*¤ô§ô¤*~ المنتـديــات العــامة ~*¤ô§ô¤*~ :: منتدى القضايا الساخنة والنقاشات والحوار
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى